Bakı.TurkicWorld :
Türkiyədə qeyri-qanuni miqrasiya ilə mübarizə çərçivəsində təşkil edilən KALKAN-25 əməliyyatlarında son bir həftə ərzində 149 miqrant qaçaqmalçı təşkilatçıdan 42-si həbs edilib, 2 min 563 qeyri-qanuni immiqrantın isə tutulub.
TurkicWorld xəbər verir ki, bu haqda Türkiyənin Daxili İşlər Naziri Ali Yerlikaya öz sosial media hesabından paylaşım edib. Məlumatda son bir həftə ərzində ölkə daxilində qeyri-qanuni miqrasiya ilə mübarizə çərçivəsində həyata keçirilən Kalkan-25 əməliyyatının təfərrüatları açıqlanıb.
Yerlikaya təxribatçılara imkan verməyəcəklərini söyləyərək, “Milli maraqlarımıza uyğun olaraq, ictimai asayişi və təhlükəsizliyi pozmadan, insan haqları, qanunlar və mədəniyyət dəyərlərimizə uyğun olaraq miqrasiya ilə davamlı mübarizə aparırıq və bundan sonra da davam edəcəyik."
Nazir Yerlikaya bir həftə davam edən 'Kalkan-25' əməliyyatlarında 100 əməliyyat keçirildiyini və 149 immiqrant qaçaqmalçılığı təşkilatçısının tutulduğunu açıqladı.
Tutulan təşkilatçılardan 42-si həbs edilib, onlardan 21-i məhkəmənin qərarı ilə azadlığa buraxılıb, 2 min 563 qeyri-qanuni immiqrant isə həbs edilib.
Nazir Yerlikaya, "Yaxalanan qeyri-qanuni immiqrantlar Şəhər İmmiqrasiya İdarəsi Müdirliyinə təhvil verilib və deportasiya prosedurları başlayıb. Ölkəmizin firavanlığı və təhlükəsizliyi üçün hər zaman immiqrant qaçaqmalçılığı təşkilatçılarının izindəyik" -deyə əlavə edib.
