Qazaxıstan paytaxtının hava limanı və dəmir yolu stansiyaları Şanxay Əməkdaşlıq Təşkilatının (ŞƏT) sammiti ərəfəsində işin gücləndirilmiş variantına keçib. Bu barədə Qazaxıstan Nəqliyyat Nazirliyinin mətbuat xidməti məlumat yayıb.
"ŞƏT-in sammiti zamanı paytaxt hava limanında intensiv və gecə-gündüz iş təmin ediləcək. Müntəzəm reyslərin qrafikə uyğun olaraq yerinə yetirilməsi planlaşdırılır. Sammit zamanı əlavə istehsal və dispetçer heyəti cəlb olunacaq.
Departament qeyd edib ki, beynəlxalq tədbirə hazırlıq fonunda Astana dəmir yolu vağzalları normal rejimdə işləyir.
ŞƏT sammiti iyulun 4-də Astanada Müstəqillik Sarayında keçiriləcək. Tədbirdə Rusiya, Azərbaycan, Belarus, Hindistan, İran, Qazaxıstan, Qətər, Qırğızıstan, Çin, Monqolustan, BƏƏ, Pakistan, Tacikistan, Türkmənistan, Türkiyə və Özbəkistanın dövlət və hökumət başçılarının iştirakı gözlənilir. İclasda ŞƏT-in baş katibi Zhang Ming və BMT-nin baş katibi Antonio Quterreş də iştirak edəcək.
Oxuməni.az
