"Mançester Siti"nin yarımmüdafiəçisi Kevin De Bruyne gələcəyi ilə bağlı fikirlərini bölüşüb.
Publika.az xəbər verir ki, hazırda Avro-2024-də çıxış edən Belçika millisinin düşərgəsində olan futbolçu bu sözləri deyib:
“Mən sakit yay keçirəcəyəm. Avropa çempionatından sonra tətilimdən həzz alacağam. Sonra "Mançester Siti"yə qayıdacağam. Klubla danışıqlar yaxın aylarda aparıla bilər”.
Qeyd edək ki, 33 yaşlı belçikalının "Siti" ilə müqaviləsi 2025-ci ilin yayına kimi nəzərdə tutulub. Səudiyyə Ərəbistanı klubları onun xidmətində maraqlıdır.
