Böyük Britaniyadan olan məşhur hərbi feldşer Piter Fuşe Ukraynaya rus işğalçılarına qarşı mübarizədə köməklik göstərərkən cəbhədə həlak olub.
Qaziler.az bildirir ki, bu barədə RBC-Ukrayna xəbər verir.
Feldşerin ölümü barədə Fuşenin həmtəsisçisi olduğu Project Konstantin xeyriyyə fondunun Facebook səhifəsində məlumat verilib.
Qeyd olunur ki, Piterin öz işinə sarsılmaz bağlılığı, sonsuz şəfqəti, eləcə də Ukraynaya və onun xalqına hədsiz sədaqəti bir çox insanın həyatına təsir edib.
İngilis qəhrəmanlığının həddi-hüdudu yox idi. O, 200-dən çox yaralı ukraynalı əsgəri xilas edib, cəbhənin ən təhlükəli şəhər və qəsəbələrindən dinc əhalini təxliyə edib, həmçinin bu yaşayış məntəqələrində insanlara humanitar yardım çatdırıb.
QAZİLER.AZ
