1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Almaniya millisinin yarımmüdafiəçisi Toni Kroos "Real Madrid"də son gününün şərəfinə paylaşım edib.
Məlumata görə, bu gün, iyulun 1-də onun "Kral klubu" ilə müqaviləsi rəsmən başa çatıb.
Toni Kroos rəsmi "Instagram" profilindən etdiyi paylaşımda: "Real Madrid" oyunçusu kimi son günüm. Özümü qəribə hiss edirəm, amma mən həmişə sizdən biri olacağam. Əbədi minnətdaram", - deyib.
Qeyd edək ki, Kroos 2014-cü ildə "Bavariya"dan "Real Madrid"ə transfer olunub. Bu müddət ərzində Kroos bütün turnirlərdə 464 matçda iştirak edib, 28 qol vurub və 98 məhsuldar ötürmə edib. "Real Madrid"in tərkibində dörd dəfə Çempionlar Liqasının qalibi olub, dörd dəfə İspaniya çempionu titulunu qazanıb və dörd dəfə Avropa Superkubokunu qazanıb.
Mənbə: Chempionat.com
