İspaniyanın Malaqa və Kadiz şəhərlərində minlərlə insan yerli sakinləri əlverişli yaşayış yerlərindən məhrum etməkdə ittiham olunan kütləvi turizmə qarşı nümayiş keçirib.
AZXEBER.COM xarici mediaya istinadən xəbər verir ki, dünyanın ikinci ən böyük turizm mərkəzi olan İspaniyada kütləvi turizm yerli xalqın qəzəbinə səbəb olub.
Malaqada, prefekturaya görə, \"sol y playa” (günəş və çimərlik) turizminin mərkəzi olan 570 min nəfərlik böyük Əndəlus şəhərinin mərkəzinə 5500-ə yaxın insan toplaşıb.
Əlliyə yaxın yerli assosiasiyanın çağırışı ilə toplaşan ispanlar əllərində \"Turistlərin yerləşdirilməsi qadağan edilməlidir” və ya \"1300 maaş, 1100 kirayə, necə yaşayaq?” kimi şüarlar səsləndiriblər.
Şüarlar yazılmış plakatları qaldırıblar.
Qeyd edək ki, İspaniya Milli Statistika İnstitutunun məlumatına görə, İspaniyada ən çox turist yerləşdirmə Malaga əyalətindədir.
Oksana
