Türkiyə polisi bazar günü İstanbulda qadağan olunmuş gey-paradda iştirak etdiklərinə görə ən azı 15 nəfəri saxlayıb.
Axar.az xəbər verir ki, bu barədə "Röyters" agentliyi məlumat yayıb.
Qeyd edək ki, bazar günü səhər saatlarında İstanbul valiliyi LGBT icmasının mitinqinə icazə verilməyəcəyini bildirib.
Türkiyə polisi yürüşün baş tutmaması üçün İstanbulun mərkəzini, metro stansiyalarını bağlayıb və əsas küçələrdə nəqliyyatın hərəkətinə mane olub. Lakin qadağadan sonra İstanbulun başqa bir yerində toplaşan LGBT qrupları aksiya keçirməyə cəhd ediblər.
