Ukrayna prezidenti Vladimir Zelenski hesab edir ki, ABŞ prezidenti Co Bayden, eləcə də Avropa və bir çox ölkələr üçün Ukraynanın Rusiya ilə müharibədə qələbəsi vacibdir.
Redaktor.az xəbər verir ki, eyni zamanda o, “The Philadelphia Inquirer”ə müsahibəsində deyib ki, Qərb və Ukrayna bu sözü fərqli qəbul edir.
“Düşünürəm ki, bu, ABŞ, Avropa və bir çox ölkələr üçün vacibdir, lakin bizim “qələbə” sözü ilə bağlı fərqli fikirlərimiz ola bilər. Belə ki, Qərb Putini Ukraynanı tamamilə işğal etmək imkanından məhrum etmək istəyirdi. Düşünürəm ki, bu, artıq onların qələbəsidir”, - deyə Zelenski bildirib.
Eyni zamanda, prezident qeyd edib ki, bu, ukraynalılar üçün kifayət deyil.
“Bizim üçün - cəbhə xəttində döyüşkən qardaşlarını itirən insanlar, qohumlarını itirən mülki şəxslər, xaricə qaçanlar, ərləri cəbhədə olanlar üçün qələbə məmnunluq anıdır” – o deyib.
“Biz minnətdarıq ki, Qərb Rusiyanın bizi tamamilə işğal etməsinə icazə vermədi, lakin bizə ədalət lazımdır”, - deyə prezident əlavə edib.
