Bu gecə dronlar Rusiyanın regionlarına kütləvi şəkildə hücum edib.
“Cebhe.info” xəbər verir ki, Rusiya Müdafiə Nazirliyinin “Telegram”-da verdiyi məlumata görə, bir gecədə ən azı 36 pilotsuz təyyarə məhv edilib.
Təyyarə Mərkəzi Federal Dairənin altı bölgəsində vurulub. Belə ki, Kursk vilayəti üzərində 15, Lipetsk üzərində 9, Voronej və Bryansk üzərində hər birində 4, Oryol və Belqorod üzərində iki pilotsuz təyyarə vurulub.
Ölən və yaralananlar barədə məlumat yoxdur.
Lipetsk qubernatoru İqor Artamonov hücumu şərh edib. O qeyd edib ki, pilotsuz təyyarələr Lipetsk şəhərinin sənaye zonası üzərində vurulub, fraqmentlərdən biri isə özəl sektorda yerləşən yaşayış binasının damına düşüb. Eyni zamanda, Bryansk qubernatoru Aleksandr Boqomaz iki kamikadze pilotsuz təyyarənin hücumu zamanı Qrayvoronda yaşayış binasının pəncərələrinin sındığını bildirib.
