![BVF](https://azertag.az/files/2024/2/1200x630/17196028505259640923_1200x630.jpg)
Bakı, 28 iyun, AZƏRTAC
Beynəlxalq Valyuta Fondunun (BVF) İcraçı Direktorlar Şurası ölkənin dördüncü iqtisadi icmalı çərçivəsində Ukrayna ilə sazişləri təsdiqləyib.
AZƏRTAC xəbər verir ki, bu barədə BVF-nin mətbuat xidmətinin bəyanatında deyilir.
Bildirilir ki, bunun nəticəsində Kiyev genişləndirilmiş kreditləşmə mexanizmi çərçivəsində 2,2 milyard dollar məbləğində daha bir tranş alacaq.
“Bu, Ukrayna büdcəsini dəstəkləmək üçün istifadə olunacaq”, - sənəddə qeyd olunur.