Gürcüstan hakimiyyəti müəyyən qüvvələrin ölkədə Ukrayna ssenarisini təkrarlamaq cəhdlərinin qarşısını alıb və gələcəkdə belə hadisələrin baş verməsinə imkan verməyəcək.
Azpost.info xəbər verir ki, bunu Gürcüstan Baş naziri İrakli Kobaxidze deyib.
“Gürcüstanda Ukrayna ssenarisini, o cümlədən Maydanı inkişaf etdirmək cəhdlərindən dəfələrlə danışmışıq. Təəssüf ki, konkret siyasi qüvvələr açıq şəkildə müvafiq təbliğata cəlb olunub. Bu, əlbəttə ki, ölkəmizə təzyiqi artırdı, lakin bu illər ərzində biz müvafiq ssenarinin qarşısını uğurla ala bildik və əlbəttə ki, gələcəkdə bunu edə biləcəyimizə əminik”, – Kobaxidze bildirib.
Onun sözlərinə görə, Gürcüstanın bu cür təhdidlərlə mübarizədə uğurlu təcrübəsi var və hakimiyyət heç kimə Ukraynanı belə çətin vəziyyətə aparan oxşar ssenarilər hazırlamağa imkan verməyəcək.
Azpost.info
