Yenilənmiş Volkswagen Golf GTI Clubsport modelinin dünya təqdimatı mayın 31-də “ADAC RAVENOL 24h Nürburgring” marafonu çərçivəsində keçirilib və modelin 2.0 TSI turbomühərrikinin gücü açıqlanmasa da, onun "ən güclü ön ötürməli Golf" olduğu bildirilir.
Fins.az xəbər verir ki, əvvəlki GTI Clubsport 300 at qüvvəsi və 400 Nm fırlanma anına malik idi.
Yeni Golf GTI Clubsportun eksteryerində müəyyən dəyişikliklər edilmişdi: işıqlandırılmış loqotip və yeni optika quraşdırılmışdı. 19 düymlük təkər diskləri əlavə ödənişlə döymə disklərlə əvəzlənə bilirdi. Salonda yeni çoxfunksiyalı sükan çarxı, IDA səs köməkçisi və ChatGPT ilə təchiz edilmiş mediasistem mövcud idi. Standart avadanlığa ön oxdakı elektron idarələnən differensial və Special idarəetmə rejimi daxil idi. Adaptiv DCC asqısı opsiya olaraq mövcud idi.
Golf GTI Clubsport 24h hetçbeki də təqdim edildi. Bu yarış avtomobili Volkswagen Motorsport tərəfindən hazırlanmış və Shell-in E20 yanacağı ilə işləyən, 348 at qüvvəsi və 450 Nm fırlanma anı hasil edən 2.0 TSI turbomühərriki ilə təchiz edilmişdi. Bu yanacaq mühərrikin səmərəliliyini artırır və ətraf mühitə daha az ziyan vururdu. Müasir Golf modellərini 1980-ci il istehsalı olan Golf GTI Group 2 hetçbeki müşayiət edirdi.
Fuad Mədətov
Fins.az
