![Sertifikasiya](/uploads/posts/2024-06/1719492737_etn-nazirlik-bina.jpg)
Builki sertifikasiya imtahanlarında 0-29 bal aralığında nəticə göstərən ibtidai sinif müəllimləri ən çox Astara rayonu üzrə olub.
Reyting.az xəbər verir ki, bunu elm və təhsil naziri Emin Əmrullayev "Sertifikatlaşdırma 2024: peşəkar müəllim - keyfiyyətli təhsil" adlı tədbirdə çıxışı zamanı deyib.
Nazir bildirib ki, həmin rayon üzrə 33 faiz müəllim 0-29 bal arası nəticə göstərib:
"Siyahı üzrə ilk sırada Azərbaycan dili və ədəbiyyat fənni üzrə Tərtər, Bərdə, Daşkəsən (hər üçü 14%), riyaziyyat fənnindən Gədəbəy (24%), Göygöl (20%), Ağcabədi (21%), xarici dil fənni üzrə isə Ağcabədi (42%), Astara (38%), Lerik rayonundan (37) olan müəllimlər olub".
E. Əmrullayev qeyd edib ki, sertifikatlaşdırılma prosesində iştirak edən ibtidai sinif və Azərbaycan dili və ədəbiyyat müəllimlərindən 25 yaşa qədər və 25-29 yaş aralığında olanlarının hamısı (100%) müvafiq keçid balını (30) toplamağa müvəffəq olub.
![](/uploads/posts/2024-06/b1c0c7c1-0b34-3cc9-81ed-2178963fdd65.jpg)
![](/uploads/posts/2024-06/83bae8db-c59c-3aef-a514-f9ff2ea23169.jpg)
![](/uploads/posts/2024-06/0de029c7-8f9a-3ce5-8c4e-16d7254f5a39.jpg)
![](/uploads/posts/2024-06/6cc6f145-21ab-3f17-967d-a6cc23ff8bca.jpg)