Qazaxıstanın baş nazirinin müavini Serik Jumanqarin Çində keçirilən EXPO Çin-Avrasiya Beynəlxalq Sərgisində iştirak edib. Tədbir çərçivəsində Qazaxıstan və Çin arasında ümumi dəyəri 629,1 milyon dollar olan 17 əməkdaşlıq sazişi imzalanıb. Sözügedən müqavilələrə 10 yarımstansiyanın və elektrik xətlərinin çəkilməsi, elektrik avadanlıqları istehsalı müəssisəsinin tikintisi və günəbaxan yağının tədarükü daxildir.
Qazaxıstan Baş nazirinin müavini Serik Jumanqarin Çinin Sincan-Uyğur Muxtar Rayonunun mərkəzi Urumçidə keçirilən 3-cü Qazaxıstan-Çin Regionlararası Forumunda iştirak edib. Forum çərçivəsində Qazaxıstan arasında ümumi dəyəri 629,1 milyon dollar olan 17 əməkdaşlıq müqaviləsi imzalanıb. Bu müqavilələrə 10 yarımstansiyanın və elektrik xətlərinin tikintisi və modernləşdirilməsi, elektrik avadanlıqları istehsalı müəssisəsinin tikintisi, günəbaxan yağı və dəvə südünün tədarükü daxildir.
Məqsəd: İki ölkənin ticarət həcmini 100 milyard dollara çatdırmaq
Qazaxıstanın 17, Çinin 27 regionundan şirkətlərin təmsil olunduğu forumda iki ölkə arasında ticarət, iqtisadiyyat, nəqliyyat, investisiya, mədəniyyət və humanitar sahələrdə əməkdaşlığın cari məsələləri müzakirə olunub. Jumanqarin burada verdiyi açıqlamada Çinin Qazaxıstanın 4-cü ən böyük sərmayədarı olduğunu ifadə edərək, "Qazaxıstan və Çin arasında sıx bölgələrarası qarşılıqlı əlaqə üçün hər cür şərait yaradılıb" dedi.
Jumanqarin Urumçidə keçirilən EXPO Çin-Avrasiya Beynəlxalq Sərgisinin açılış mərasimində də iştirak edib. Çin ilə ikitərəfli əlaqələrdə yeni dövrün başladığına diqqət çəkən Jumanqarin, ikitərəfli ticarət həcmini 100 milyard dollara çatdırmağı hədəflədiklərini söylədi.
