Kiyevə Almaniya Federativ Respublikasının vəsaiti ilə “Çexiya təşəbbüsü” ilə həyata keçirilən hərbi yardımın ilk partiyasına on minlərlə 155 mm çaplı mərmi daxil idi.
Bu barədə Çexiyanın müdafiə naziri Jana Çernoxova məlumat verib.
“Çexiya təşəbbüsü çərçivəsində ilk döyüş sursatları təhlükəsiz şəkildə Ukraynaya çatdırılıb. Bunlar tədarükü Almaniya tərəfindən maliyyələşdirilən on minlərlə 155 mm-lik döyüş sursatıdır”, - deyə nazirin sözləri departamentin saytında yer alıb.
Bir gün əvvəl respublikanın baş naziri Petr Fiala X sosial şəbəkəsindəki səhifəsində (keçmiş Twitter) bildirmişdi ki, sursatın ilk partiyası “Çexiyanın təşəbbüsü ilə” Ukraynaya gəlib.
