Məşhur amerikalı model Paris Hilton 16 yaşında ikən qaldığı rezidensiya mərkəzinin əməkdaşları tərəfindən zorla dərman verildiyini və cinsi istismara məruz qaldığını bildirib.
News24.az The Hill-ə istinadən xəbər verir ki, Hilton Nümayəndələr Palatasında keçirilən “Uşaqların rifahının gücləndirilməsi və Amerikanın uşaqlarının qorunması” adlı sessiyada çıxış edib.
Hilton uşaq və gənclərin müalicə mərkəzlərinə yerləşdirilməsinin zərərini şəxsi təcrübəsindən bildiyini deyib. 16 yaşında ikən gecə yarısı evdə yatağından qoparılaraq onlardan birinə necə köçürüldüyünü izah edib.
Bu dövrlə bağlı Hilton, "İşçilər tərəfindən zorla narkotik və cinsi istismara məruz qaldım. Ağır təzyiqlərə məruz qaldım və dəhlizlərdə süründüm, lüt soyunduruldum və həbsə atıldım" dedi.
Ailəsinin də bu prosesdə manipulyasiya edildiyini və aldadıldığını ifadə edən Hilton, “Hal-hazırda səsi olmayan uşaqların səsi olmaq üçün buradayam və bu komitənin onları qorumaq üçün ikitərəfli həll yollarını irəli sürmək məsuliyyəti var ".
Qəyyumluğa verilən uşaqların “uşaq həbsxanaları” kimi soyuq müəssisələrdə böyüməsinə icazə verilməməsi lazım olduğunu vurğulayan Hilton, bu uşaqlara qarşı edilən rəftarın cinayət olduğunu vurğulayıb.
Günel Məlikzadə
