Müəllif: Tamara Mustafayeva, Banco.az
Dünyada şirkət səhmlərinin birjada satışa çıxarılması (“IPO”) ilk 6 ayda azalıb.
Banco.az xəbər verir ki, audit və konsaltinq şirkəti “EY” Qlobal IPO Tendensiyaları 2024 Hesabatının yanvar-iyun dövrünün nəticələrini açıqlayıb.
Hesabata görə, cari ilin yanvar-iyun aylarında həyata keçirilən kütləvi təklif əməliyyatlarının sayı ötən ilin müvafiq dövrü ilə müqayisədə 12 faiz azalaraq 551 ədədə düşüb.
Eyni dövrdə kütləvi təklif yolu ilə əldə edilən gəlir 52,2 milyard dollar olaraq hesablanıb. Bu da o deməkdir ki, 2023-cü ilin eyni dövrü ilə müqayisədə IPO ilə əldə edilən gəlirdə 16 faiz azalma olub.
