Fiziki dəyişikliklə yanaşı, bioloji olaraq da dəyişirik.
İndex.az xəbər verir ki, qocalıq hər kəsə fərqli təsir etsə də, əsasən eyni məntiqlə davam edir. Yuxu əslində onlardan biridir. Yəqin ki, ətrafınızdakı yaşlı insanlardan yuxuya getməkdə çətinlik çəkdiklərini eşitmisiniz.
Bu vəziyyətin səbəbinin yaşlandıqca daha az yuxuya ehtiyacımız olduğunu bilsək də, elm bunun əksini deyir. Beləliklə, yaşlandıqca yuxuya olan ehtiyacımız dəyişmir.
Araşdırma yaşlı insanların gənclərdən 1,5 saat az yatdığını göstərir.
Bir insanın gündə 7 saat yatması lazımdır, bu vərdişlərdən və insandan asılı olaraq dəyişir. Ancaq mövzu ilə bağlı araşdırmalar göstərir ki, hər 10 ildən bir yuxu vaxtı 30 dəqiqə azalır. Bəs bu təbii qocalma prosesi ilə bağlı ola bilərmi?
Yaşlanmanın əsası beyindən başlayır, yaşlandıqca beynimiz daha az reaksiya verməyə başlayır. Dr. Sairam Parthasarathy bu problemi beynin qocaldıqca əlaqələri aydın dərk etməməsi ilə əlaqələndirir. Bu vəziyyət gənclər üçün tam əksinədir.
Gözlərimiz ətrafımızdakı dünyanı dərk etməkdə mühüm rol oynayır.
Gözlərin işığı qəbul etmək qabiliyyəti yaşla azalır. Bu vəziyyət sirkadiyalı ritmimizə təsir edərək bədən saatını tənzimləməkdə çətinlik yaradır. Xüsusilə katarakt kimi ümumi bir problem gözlərdə bulanıqlığa səbəb olur və gün batımı kimi təbii hadisələrin qəbulunu təsir edir.
Yaşlılarda tez-tez rast gəlinən katarakta axşam saatlarında işığın gözə tam çatmasına mane olur. İnsanın beyni gün batımını olduğundan daha tez qavramağa başlayır. Bu vəziyyət melatonin hormonu kimi bədən saatını tənzimləyən amillərə təsir edir.
Melatonin 1-3 yaş arasında ən yüksək səviyyədə olan və yaşla birlikdə azalan bir hormondur. Yaşlandıqca az yatmağımızın əsas səbəbi budur.
