Ötən gün AVRO-2024-ün F qrupunun son matçında Çexiyanı məğlub edən Türkiyə millisi son 16 turuna vəsiqə qazanıb.
“AzPolitika” xəbər verir ki, qrup mərhələsini 6 xalla ikinci sırada tamamlayan “ay-ulduzlular”ın AVRO-2024 üzrə əldə etdiyi pul mükafatının məbləği məlum olub.
Belə ki, Türkiyə millisi AVRO – 2024-də iştirak haqqı olaraq 9 milyon 250 min avro, qrup mərhələsində əldə etdiyi qələbələrə görə 2 milyon avro, son 16 turuna vəsiqə qazandığı üçün 1 milyon 500 min avro gəlir əldə edib. Türkiyə millisinin AVRO-2024 qazancı hazırda 13 milyon 750 min avro təşkil edir.
Məlum üçün bildirək ki, AVRO 2024-də matç bonusu hər qələbəyə görə 1 milyon avro, heç-heçəyə görə 500 min avro təşkil edir. Komandalar 1/8 finalda iştiraka görə 1,5 milyon avro, 1/4 finalda iştiraka görə 2,5 milyon avro, yarımfinala yüksəldikdə 4 milyon avro pul mükafatı qazanacaqlar. Çempion komandaya isə 8 milyon avro əlavə ödəniş ediləcək.
Qeyd edək ki, Türkiyə millisi qrupunu ilk matçında Gürcüstana 3-1 hesabı ilə qalib gəlib. Ardınca portuqallara 0-3 hesabı ilə məğlub olan “ay-ulduzlular”, sonuncu oyunda çexləri 2-1 hesabı ilə üstələyiblər.
Son 16 turunda mübarizə aparacaq Türkiyə yığmasının rəqibi isə Avstriya millisidir. Görüş iyulun 2-də Bakı vaxtı ilə saat 23:00-da start götürəcək.
“AzPolitika.info”
