ABŞ alimlərinin yeni araşdırmalarına görə, günorta saatlarında işçilərin məhsuldarlığı və işi düzgün yerinə yetirmək qabiliyyəti aşağı düşür.
“Texas A&M Universiteti”nin araşdırması iki il ərzində təxminən 800 işçini müşahidə edib. Tədqiq olunan bütün iştirakçılar ofisdən işləyiblər. Tədqiqatçılar iştirakçıların yazma sürətini, kompüter mausundan nə dərəcədə effektiv istifadə etdiklərini və yazı səhvlərini izləyiblər. “PLOS ONE” elmi jurnalında dərc edilmiş bir araşdırma yazısı aşkar edib ki, ən çox səhvlər günortadan sonra edilir. Xüsusilə cümə günü günortadan sonra kompüterdən istifadənin effektivliyində azalma müşahidə edilsə də, orfoqrafiya xətalarının da artması qeyd edilib.
Tədqiqatın həmmüəllifi Taehyun Roh deyir ki, işçilərin yerinə yetirdiyi tapşırıqların sayının bazar ertəsindən çərşənbə gününə qədər davamlı olaraq artdığını, cümə axşamı və cümə günləri isə azaldığını aşkar edib. Hibrid iş və ya 4 günlük iş həftəsi kimi çevik tənzimləmələr uzun iş həftəsinin mənfi təsirlərini yüngülləşdirə və işçilərin məhsuldarlığını, rifahını artıra bilər.
Məsələn, işəgötürənlər işçilərə cümə günləri evdən işləməyə və ya tam istirahət günləri keçirməyə icazə verməyə daha açıq ola bilərlər.
Əvəz Həsənov
