2024-cü ilin May ayında bankların kredit portfeli 2.1% və ya 513,7 milyon manat artaraq 25 milyard 158,2 milyon manata çatıb.
Bu barədə Marja.az Mərkəzi Bankın Statistik Bülleteninə istinadən xəbər verir.
Kredit portfelinin strukturu aşağıdakı şəkildədir:
ı) biznes kreditləri – 54.8% (13 milyard 784,7 milyon manat);
ıı) istehlak kreditləri – 29.7% (7 milyard 480,2 milyon manat)
ııı) ipoteka kreditləri – 15.5% (3 milyard 893,3 milyon manat).
May ayında bankların biznes, istehlak və ipoteka portfeli müvafiq olaraq 308,4 milyon manat (+2.3%), 153,2 milyon manat (+2.1%) və 52,2 milyon manat (+1.4%) artmışdır.
Cəmi kredit portfelində (BOKT-lər və kredit ittifaqları daxil olmaqla) vaxtı keçmiş kreditlərin payı əvvəlki ilin müvafiq dövrünə nəzərən 0.5 faiz bəndi azalaraq 1.8% təşkil etmişdir.
