“Qrupumuz çoxlarının düşündüyündən çətin oldu”. Bu sözləri Belçika millisinin baş məşqçisi Domeniko Tedesko deyib.
O, Ukraynaya qarşı Avro-2024-ün son qrup oyunundan sonra danışıb: “Qalib gəlmək üçün əlimizdən gələn hər şeyi etdik. Qol vurmaq üçün çox çalışsaq da, bu, bizdə alınmadı. Komandamla fəxr edirəm. Sona qədər yaxşı mübarizə apardıq”.
Xatırladaq ki, Ukrayna – Belçika matçı qolsuz bitib. Qrupda ikinci yeri tutan Belçika 1/8 finalda Fransa ilə üz-üzə gələcək.
