"Rusiya ordusu ordu səviyyəli yeni ümumqoşun birləşmələrinin yaradılması da daxil olmaqla geniş islahatlar həyata keçirir..."
Rusiya Ukraynada cəbhə xəttində yerləşdirmək üçün daha bir ümumqoşun ordu formalaşdırıb.
Moderator.az xəbər verir ki, bu barədə Amerikanın müharibənin öyrənilməsi İnstitutunun (ISW) yeni hesabatında deyilir.
Qeyd edilir ki, Rusiya ordusu ordu səviyyəli yeni ümumqoşun birləşmələrinin yaradılması daxil olmaqla geniş islahatlar həyata keçirir.
Ukrayna mənbələrinin "51-ci ordu" haqqında bəyanatları "Rusiyanın Ukraynada yerləşdirmək üçün daha bir ümumqoşun ordusunu formalaşdırdığının erkən indikatorlarıdır".
"Xarkov" operativ-taktiki qoşun qruplaşmasının spikeri Yuri Povx bəyan edib ki, rusiyalı hərbçilər "51-ci ordunun 9-cu motoatıcı briqadasının" hissələrini Xarkov istiqamətinə göndərmək niyyətindədir.
Onun sözlərinə görə, Rusiya qoşunları Rusiya bölmələrini Xerson vilayəti və digər istiqamətlərdən Xarkov istiqamətinə yönəldib.
"Hortitsa" operativ-strateji qoşun qruplaşmasının nümayəndəsi Nazar Voloşin bəyan edib ki, Rusiya qoşunları dəniz piyadalarının 155-ci briqadasının (Sakit okean donanması) və "51-ci ordunun 9-cu motoatıcı briqadasının" hissələrini itkilərini kompensasiya etmək üçün Xarkov istiqamətinə göndərmək niyyətindədir.
ISW qeyd edir ki, bu yaxınlarda işğalçıların dəniz piyadalarının 155-ci briqadası və 9-cu motoatıcı briqadanın hissələrini Donetskin qərbi və cənub-qərbindən Xarkov istiqamətinə göndərməsi barədə analitiklər məlumat əldə edib. "51-ci ordu" barəsində məlumatlar qeydə alınmayıb.
ISW qeyd edir ki, rusiyalı hərbçilər 9-cu motoatıcı briqadasını mümkündür ki, hələ ikinci dünya savaşı dönəmindən "51-ci orduya" tabe edib.
Ukraynada müharibə - son xəbərlər
Ukraynada tammiqyaslı müharibə davam edir və ukraynalı döyüşçülər bu yaxınlarda Xarkov vilayətinin Volçansk şəhərində Sobornaya küçəsi boyunca bir qədər irəliləyib.
Düşmən Xarkov vilayətində mayın əvvəlində fəal surətdə hücuma başlayıb və sərhəd yaxınlığında bir neçə yaşayış məntəqəsini ələ keçirib. İyunun əvvəlində Nazar Voloşin məlumat verib ki, ukraynalı döyüşçülər Volçansk şəhərinin 70 faizinə nəzarət edir.
Sonradan məlumat verilib ki, düşmən bu şəhərdə aqreqat zavodu ərazisində mühasirəyə düşüb. "DeepState"-in həmtəsisçisi Roman Poqorelının sözlərinə görə, tələyə düşən işğalçıların dəqiq sayı bəlli deyil.
