İran İslam Respublikası növbədənkənar prezident seçkilərinə hazırlaşır. SİA xarici mətbuata istinadən xəbər verir ki, iyunun 28-də ölkənin səsəvermə hüququ olan vətəndaşları sandıq başına keçəcəklər.
İran prezidenti 4 ildən bir xalqın birbaşa səsverməsi ilə seçilir. Səsləri (50% +1) toplayan namizəd qalib gəlmiş sayılır. Əgər namizədlərdən heç kim kifayət qədər səs toplamasa, gələn cümə günü ən çox səs toplayan iki namizəd arasında təkrar seçki keçirilir.
Prezidentliyə namizədlər siyahısında göstərilən adlar yer alıb:
- Seyyid Əmir Hüseyn Qazizadə Haşimi
- Əlirıza Zəkani
- Səid Cəlili
- Mustafa Purməhəmmədi
- Məhəmməd Bakır Qalibaf
- Məsud Pezeşkian.
Ölkə daxilində və xaricdə seçkilər 1-28 iyun 2024-cü il, cümə günü saat 08.00-da başlayacaq. Səsvermə müddəti 10 saat olacaq, lakin müddətin uzadılması daxili işlər nazirinin səlahiyyətindədir. Xaricdə 344 səsvermə mərkəzi olacaq, həmin ölkələrdə şəxsiyyətin yoxlanılması pasportla aparılacaq.
Seçki kampaniyaları iyunun 27-si səhər saat 08.00-da başa çatacaq.
Seçkilər ikinci tura keçərsə, təkrar seçki iyulun 5-də keçiriləcək.
Namizədlər namizədliklərini geri götürmək istəsələr, şəxsən və ya nümayəndələri vasitəsilə seçki mərkəzinə yazılı məlumat verməlidirlər. Qanunda namizədlikdən imtina üçün vaxt nəzərdə tutulmayıb.
