NATO səfirləri Mark Rutteni alyansın yeni baş katibi vəzifəsinə təsdiqləyiblər.
“İki sahil” xəbər verir ki, bu barədə NATO məlumat yayıb.
Qeyd edilib ki, Şimali Atlantika Alyansı Niderlandın baş naziri Mark Rutteni Yens Stoltenberqin yerinə NATO-nun növbəti baş katibi təyin etmək qərarına gəlib.
Qeyd edilib ki, Rutte 2024-cü il oktyabrın 1-dən, Stoltenberqin Alyansın rəhbərliyində olan on ildən sonra səlahiyyət müddəti başa çatdıqdan sonra baş katib kimi öz funksiyalarını yerinə yetirəcək.
