Amerika Birləşmiş Ştatlarında (ABŞ) təşkil olunmuş futbol üzrə Amerika Kubokunda 2-ci turun oyunlarına start verilib.
Arena.az xəbər verir ki, bu gün A qrupu çərçivəsində iki qarşılaşma baş tutub.
Peru yığması ilə qarşılaşan Kanada 1:0 hesablı qələbə qazanıb.
Qrupun digər matçında isə Argentina millisi Çili üzərində eyni hesabla qalib gəlib.
Xatırladaq ki, Amerika Kubokunda mübarizəyə iyulun 14-də keçiriləcək final qarşılaşması ilə yekun vurulacaq.
İyunun 27-də B qrupu çərçivəsində Ekvador yığması Yamaykanı, Venesuela millisi isə Meksikanı sınağa çəkəcək.
Son olaraq 2021-ci ildə Argentina yığması bu turnirin qalibi olub.
Amerika Kuboku
A qrupu
26 iyun
Peru – Kanada 0:1
Qol: Conatan David, 74.
Çili – Argentina 0:1
Qol: Lautaro Martines, 88.
Xallar: Argentina – 6. Kanada – 3. Çili – 1. Peru – 1.
