Kadırov çeçenlərdən bunu XAHİŞ ETDİ

Çeçenistanın rəhbəri Ramzan Kadırov Dağıstanda törədilən silsilə terror aktlarından sonra respublikada ictimai təhlükəsizliyin təmin edilməsi istiqamətində işi gücləndirməyi əmr edib.Elchi.az xəbər verir ki, o, həmçinin regionun hüquq-mühafizə orqanlarının rəhbərliyini terrorizm və dini ekstremizmin qarşısının alınması istiqamətində səyləri gücləndirməyə çağırıb.“Avropa ölkələrindən gələn radikal ideologiyaya qarşı mübarizəyə xüsusi diqqət yetirilməlidir”, – deyə Kadırov Teleqram kanalında yazıb.O, xəbərdarlıq edib ki, hüquq-mühafizə orqanlarının və dövlət qurumlarının məsul şəxslərinin həyatına hər hansı müdaxilənin qarşısı ciddi şəkildə alınacaq.Bundan əlavə, Kadırov hər bir çeçendən öz yaxınlarını terror ideologiyasının təsirindən qorumaq üçün xüsusilə ayıq-sayıq olmağı xahiş edib.“Bu məsələdə səhlənkarlıq ciddi, faciəvi nəticələrə səbəb ola bilər”,-deyə Çeçenistan rəhbəri xəbərdarlıq edib.Xatırladaq ki, iyunun 23-də Dərbənd və Mahaçqalada bir neçə silahlı hücum nəticəsində 15-i polis əməkdaşı və bir Rusiya Milli Qvardiyasının əməkdaşı olmaqla 21 nəfər həlak olub, 20-dən çox insan yaralanıb. Beş silahlı öldürülüb. Dağıstanda baş verən silsilə terror aktları ilə əlaqədar iyunun 24-dən 26-dək matəm elan edilib.YeganəMənbə: TASS.ru

• hüquq-mühafizə orqanları
• Çeçenistan
• Ramzan Kadırov
• Dağıstan
• terrorizm
• terror aktları
• dini ekstremizm