Fransada keçirilən növbədənkənar parlament seçkiləri fonunda Fransa prezidenti Emmanuel Makron Ukrayna məsələsində müəyyən “sükut” saxlayır, Ukrayna münaqişəsi ilə bağlı daha az ictimai bəyanatlar verir.
Gundem.az xəbər verir ki, bu barədə Fransanın “Le Monde” qəzeti yazıb.
"Parlamentin buraxılması ilə bağlı “zəlzələ” nəinki Ukrayna məsələsini arxa plana keçirib, həm də Fransa prezidentini bu məsələdə susdurub",- nəşrdə bildirilib.
Dövri nəşrin yazdığına görə, Fransanın ifrat sağ tərəfi qeyd edib ki, Ukrayna məsələsi və Rusiya ilə münasibətlər “demək olar ki, unudulub və ya yekdillik xalçası altında gizlənib”.
