Brüsselə yalnız Rusiya hərbi bazasının çıxarılması məsələsini gündəmə gətirmək üçün Ermənistanın Aİ-yə daxil olması ilə bağlı referendum lazımdır.
Qaynarinfo xəbər verir ki, bu barədə Ermənistanın keçmiş baş nazir, Ermənistan Respublika Partiyasının fraksiyasından olan sabiq deputat Xosrov Arutyunyan "Aİ-Aİİ: siyasi, yoxsa iqtisadi seçim?” dinləmələrində deyib.
Aydındır ki, Avropa İttifaqına üzv olmaq üçün namizəd ölkələrdən illərdir kifayət qədər ciddi şərtlər tələb olunurdu. Əgər Ermənistan hakimiyyəti belə bir referendum keçirmək qərarına gəlsə və xalq Aİ-yə üzv olmaqdan yana danışsa, o zaman Brüsselin qaldıracağı növbəti sual Ermənistanda Rusiya hərbi bazasının olması olacaq. Aydındır ki, Aİ Rusiya qoşunlarının yerləşdiyi heç bir ölkəni öz üzvlüyündə görmək istəmir, - Arutyunyan qeyd edib.
"Bu referendumun müzakirə mövzusuna çevrilməsinin əsl səbəbini burada axtarmaq lazımdır”, - deyə Arutyunyan bildirib.
Onun sözlərinə görə, Ermənistanın Aİİ-də iştirakının sırf iqtisadi faydası barədə danışmaq lazım deyil. Keçmiş baş nazir hesab edir ki, Rusiya bazarında alıcılıq qabiliyyətinin aşağı düşməsi barədə söhbətlər əsassızdır, çünki 3 milyon əhalisi olan Ermənistan həmişə çoxdan tanış olan 140 milyonluq bazarda özünə yer tapa biləcək.
O əlavə edib ki, Avropa İttifaqı ilə gələcək iş inteqrasiya deyil, əməkdaşlığın gücləndirilməsi istiqamətində aparılmalıdır.
Nizami Bağırov
