Etirazçılar Keniya parlamentinin binasına basqın ediblər.
Bakıvaxtı.az xəbər verir ki, bu barədə “Star” nəşri məlumat yayıb .
Məlumata görə, Keniyanın paytaxtı Nayrobidə etirazçılar vergilərin artırılması ilə bağlı büdcə layihəsinə səsvermənin yenicə başa çatdığı ölkə parlamentinə basqın ediblər.
Belə ki, “Vətən xainləri” deyə qışqıran etirazçılar tüstü bombalarını partladıb, polis barrikadalarını aşıb, polis avtomobilini yandırıb, parlamentin hasarının bir hissəsini zədələyib, binaya soxulub yandırıblar.
Onların parlamentin həyətindən dövlət bayrağını da qopardıqları bildirilib.
Keniya paytaxtının polis rəisi Adamson Bungei bildirib ki, etirazlar zamanı azı 4 nəfər güllələnərək xəstəxanaya yerləşdirilib.
Mina Mikayılova
