Ermənistanın tarixində ilk dəfə olaraq müxtəlif iqtisadi birliklər, ölkələr, inteqrasiya sistemləri arasında körpü olmaq üçün yaxşı fürsət var və o, hazırda bu imkandan istifadə edir.
Publika.az xəbər verir ki, bu barədə iqtisadçı Suren Parsyan deyib.
“Ermənistan iqtisadiyyatında müəyyən dəyişikliklər etmək üçün yaxşı zəmin yaranıb. Avropa və Amerika bazarlarına çıxış və pay hədəflənməlidir. Rusiya bazarı bizim üçün vacibdir və böyük xüsusi çəkiyə malikdir, lakin inkişaf alternativləri üçün Aİ, Amerika və digər Qərb bazarları bizim üçün çox önəmlidir.
Biz bunu qarşımıza hədəf kimi qoymalıyıq. Bununla yanaşı, siyasi diskursdan çıxmaq lazımdır: Qərb və ya Rusiya, Çin və ya İran”, - deyə o bildirib.
