Əlil Sahibkarlar Təşkilatı İctimai Birliyi Azərbaycan Respublikasının Qeyri-Hökmət Təşkilatlarına Dövlət Dəstəyi Agentliyinin maliyyə dəstəyi ilə 01.06.2024-cü il tarixindən Fiziki məhdudiyyətli şəxslərin peşə hazırlığının gücləndirilməsi adlı layihənin icrasına başlayır.
Bu barədə layihə rəhbəri Mirzə Məmmədvəliyev məlumat verib. Onun sözlərinə görə layihənin əsas məqsədi Müharibə iştirakçılarının, qazilərin və əlilliyi olan şəxslərin işsizlik problemini həll etməkdir: "Müharibə iştirakçılarının, qazilərin və digər həssas sosial qrupların müyəssər peşə hazırlığının yüksəldilməsi və onların arasında sahibkarlığın inkişafı, əlilliyi olan müharibə iştirakçılarının və digər həssas sosial qrupların (gender bərabərliyi qorunmaq şərtilə) əmək və sahibkarlıq fəaliyyətinə hazırlanması üzrə təlimlərin və maarifləndirmə tədbirlərinin (seminarların) təşkili və fəallığını artırmaqdır. Sosial sahibkarlıq fəaliyyətinə yeni başlayan müharibə iştirakçıları, qazi və əlilliyi olan şəxslərin maarifləndirilməsi və onları zəruri nəzəri biliklərlə yanaşı BMT - nin DİM prinsiplərinə uyğun beynəlxalq təcrübə öyrədiləcək. Layihə 3 ay müddətində Sumqayıt şəhərində icra olunacaq".
"Cebhe.info"
