"Qalatasaray"ın transfer gündəmində olan İlkay Gündoğan üçün "Barselona"dan sarı-qırmızılılara şad xəbər gəlib.
Far.Az Türkiyə mətbuatına istinadən xəbər verir ki, Kataloniya komandası maliyyə feyr-pley qaydalarına görə 33 yaşlı futbolçu üçün təklifləri nəzərdən keçirə bilər.
Qeyd olunub ki, "Barsa" türk əsilli alman ulduzun maaş yükünü azaltmaq üçün komandadan ayrılmağa qərar verəcəyi təqdirdə işini asanlaşdıracaq.
"Barselona" ilə daha bir il müqaviləsi olan İlkay Gündoğan ötən mövsüm Kataloniya komandası ilə 51 matçda 5 qol vurub, 14 məhsuldar ötürmə edib.
Far.Az
