Dünya Bankının Türkiyə üzrə Direktoru Humberto Lopez, mənfi bir inkişaf olmadığı təqdirdə Türkiyənin 2024 və 2025-ci illərdə artım proqnozunu yuxarıya doğru gözdən keçirməli olacaqlarını bildirib. Lopez həmçinin iyuldan sonra inflyasiyanın azalmağa meylli olacağı ilə bağlı deyilənlərlə razılaşdığını bildirib.
Dünya Bankının Türkiyə üzrə Direktoru Humberto Lopez Türkiyədə yeni vergi hərəkətləri, faiz siyasəti və böyümə proqnozları ilə bağlı açıqlamalar verib.
cnbce.com-un suallarını cavablandıran Lopez Türkiyənin 20 ildir həm böyümə, həm də yoxsulluğun azaldılması baxımından mükəmməl performans nümayiş etdirdiyini bildirib və deyib:
“ÜDM artımı ildə orta hesabla 5,4 faiz olub və bu sürətlə hər 26 ildə ÜDM dörd dəfə artır. Digər tərəfdən, 2005-ci ildə yoxsulluq səviyyəsi təxminən yüzdə 27 olduğu halda, 2021-ci ildə 8 faizdən aşağı düşdü və proqnozlarımız 2022 və 2023-cü illərdə daha da azalacağını göstərir".
“Başqa işlər də var”
Dünya Bankının meneceri inflyasiyanın artıma və məşğulluğun yaradılmasına və gəlir bərabərsizliyinə təsiri səbəbindən azaldılmasının vacib olduğunu bildirərək, görüləcək başqa işlərin də olduğunu qeyd edib.
Dünya Bankının meneceri Türkiyənin böyüməsi ilə bağlı onların proqnozlarına toxunub:
"Etiraf etməliyəm ki, 2024 və 2025-ci illər üçün proqnozlarımız birinci rübün 5,7 faizlik artımından əvvəl verilmişdi. Hazırda bu proqnozları yenidən qiymətləndirmək prosesindəyik. Məncə, önümüzdəki illər üçün proqnozları yuxarıya doğru revize etmək məcburiyyətində qalacağıq. İrəliyə baxdığımızda əhəmiyyətli olan mövcud makroiqtisadi normallaşma paketini tətbiq etməyə davam etməkdir".
