Lüksemburqda keçirilən Aİ Xarici İşlər Nazirləri Toplantısından sonra mətbuata açıqlama verən Borrell, nazirlərin iyul ayında dondurulmuş Rusiya aktivlərindən əldə edilən gəlirin 1,4 milyard avrosunun Ukraynaya göndərilməsinə razılaşdıqlarını bildirib.
İndex.az xəbər verir ki, Borrell bu məbləğin hava hücumundan müdafiə və döyüş sursatının təmin edilməsi və müdafiə sənayesinin dəstəklənməsi üçün istifadə ediləcəyini vurğulayıb.
Bunun uzun müddətdir məsələyə veto qoyan Macarıstanın yoxluğunda alındığını bildirən Borrell yekdillik tələb edən qərarın necə alındığı ilə bağlı təfərrüatları açıqlamayıb.
Borrell, Macarıstanın 6,6 milyard avroluq fondun istifadəsinə etirazının davam etdiyini və bunun aradan qaldırılması istiqamətində səylərə 27-28 iyun tarixlərində keçiriləcək Aİ sammitində yenidən baxılacağını qeyd edib.
Aİ Ukraynaya hərbi yardım üçün “Avropa Sülh Fondu” adlı büdcədənkənar maliyyə fondundan istifadə edir.
