"Bavariya"nın futbolçusu Kinqsli Koman karyerasını PSJ-də davam etdirə bilər.
90deqiqe.Az xəbər verir ki, bu barədə insayder Florian Plettenberq "X" sosial şəbəkəsində (keçmiş Twitter) məlumat yayıb.
O Paris klubunun artıq oyunçunun nümayəndələri ilə danışıqlara başladığını qeyd edib. “Bavariya” məqbul təklif alacağı təqdirdə fransızı saxlamayacaq. Münhendə 28 yaşlı futbolçunun yüksək maaşı - ildə 15 milyon avrodan çox olduğu üçün onunla ayrılmağa hazırdırlar.
Alman klubunun rəhbərliyi cinah oyunçusu üçün təxminən 40-50 milyon avro istəyir.
Kinqsli Koman PSJ-nin yetirməsidir, lakin parislilərin əsas komandasında cəmi dörd oyun keçirib. Ötən mövsüm o, "Bavariya"nın heyətində 27 matçda iştirak edib, 5 qol vurub və 3 məhsuldar ötürmə edib.
