Türkiyə Prezidenti Rəcəb Tayyib Ərdoğan yaxın günlərdə Astanada rusiyalı həmkarı Vladimir Putinlə görüşməyi planlaşdırır.
Yeniavaz.com xəbər verir ki, bu barədə Türkiyənin xarici işlər naziri Hakan Fidan “Habertürk” telekanalına açıqlamasında bildirib.
“Yaxın günlərdə bizim prezidentimizlə Putinin Qazaxıstanda görüşü mümkündür”, Fidan deyib.
Qeyd edək ki, daha əvvəl Rusiya dövlət başçısının köməkçisi Yuri Uşakov bildirib ki, Moskva Putin və Ərdoğanın iyulun 3-4-də Astanada keçiriləcək Şanxay Əməkdaşlıq Təşkilatının sammiti çərçivəsində görüş keçirə biləcəklərinə ümid edir.
