Gürcüstan Rusiyanın mayeləşdirilmiş qazının idxalını demək olar ki, iki dəfə artırıb. Ölkənin Neft Məhsulları İdxalçıları İttifaqının məlumatına görə, Gürcüstanın anbarlarındakı LNG-nin 99%-i Rusiya Federasiyasından gəlib, Rusiya bitumunun ölkəyə idxalı da artıb.
Mayeləşdirilmiş təbii qaz (LNG) idxal edərkən Gürcüstan Rusiyadan tədarüklərə üstünlük verir: təkcə may ayında onun tədarükünün həcmi 2023-cü ilin may ayı ilə müqayisədə 1,8 dəfə artıb, Gürcüstan Neft Məhsulları İdxalçıları İttifaqı məlumat yayıb.
May ayında Gürcüstana 7,45 min ton Rusiya LNG-si idxal edilib ki, bu da ötən ilin eyni dövrü ilə müqayisədə 3,47 min ton və ya 87,2% çoxdur. Trend-in Gürcüstan KİV-nə istinadən verdiyi məlumata görə, idxalın ümumi həcminin 99,9%-i və ya 7,44 min tonu Rusiyadan alınıb.
Gürcüstan da daha çox Rusiya bitumunu almağa başlayıb - onun idxalı 2023-cü ilin may ayı ilə müqayisədə may ayında 22% artaraq 18,3 min ton təşkil edib, Rusiya isə 12% tədarüklə ikinci yerdə qərarlaşıb.
