Dünyada vəba xəstəliyinə yoluxma halları artdı - ÜST

  2024-cü ildə dünyanın bir sıra ölkələrində vəba xəstəliyi artıb. Bu barədə Ümumdünya Səhiyyə Təşkilatı (ÜST) məlumat yayıb.

Bildirilib ki, cari ilin əvvəlindən 24 ölkədə 195 minə yaxın vəbaya yoluxma və 1900-dən çox ölüm faktı qeydə alınıb.

“Ən çox yayılma Şərqi Aralıq dənizi bölgəsində qeydə alınıb. Ardınca Afrika, Amerika, Cənub-Şərqi Asiya və Avropa gəlir. Qərbi Sakit Okeanda heç bir yoluxma qeydə alınmayıb”, - məlumatda qeyd olunub.

ÜST marta qədər Oral vəba peyvəndlərinin (OCV) qlobal ehtiyatının tükəndiyini vurğulayıb.

ÜST bildirib ki, vaksinin tədarükü onun tələbinə uyğun gəlmir.

2023-cü ilin yanvarından 16 ölkənin 92 milyon dozada OCV tələb etdiyini qeyd edən ÜST bunun həmin dövrdə istehsal edilən 49 milyon dozadan 2 dəfə çox olduğunu vurğulayıb.

Hazırda ÜST, BMT-nin Uşaq Fondu ( UNİCEF ) və digər tərəfdaşlar vəbaya uzunmüddətli həll yolları tapmaq, resurslardan istifadə etmək üçün birlikdə işləyirlər.   

• Amerika
• ölüm
• Avropa
• Afrika
• xəstəlik
• Asiya
• Sakit Okean
• yoluxma
• Ümumdünya Səhiyyə Təşkilatı
• Aralıq dənizi
• vəba