İlk dəfə 1928-ci ildə istifadə edilən forma nömrələrində 0 rəqəmini demək olar ki, heç vaxt görmürük.
Bəzi müstəsna hallar istisna olmaqla, niyə futbol formalarında 0 rəqəmi yoxdur?
İndex.az xəbər verir ki, 1928-ci ildə forma nömrələri ilk dəfə oyunçuların mövqelərini göstərmək üçün istifadə olunmağa başladı. Müdafiəçilər 2 və 3 nömrə, yarımmüdafiəçilər 4, 5 və 6 nömrə, hücumçular 7, 8, 9, 10 və 11 nömrə, qapıçılar 1 nömrə geyiniblər.
Vaxt keçdikcə bu nömrələr standartlaşdırıldı və 0 rəqəmi üçün xüsusi pozisiya olmadığı üçün heç vaxt istifadə edilmədi.
Həmçinin bir çox mədəniyyət və idmanda 0 rəqəmi dəyərsizlik və ya heçlik ilə əlaqələndirilir. Ümumiyyətlə pis məna daşıyır.
Ona görə də futbolçu 0 nömrəli formanı geyinirsə, bu, mənfi rəy yarada bilər. Fikirləşin, futbolçunun forması üzərində 0 rəqəmini görmək həqiqətən mənfiliyi ifadə edə bilər, elə deyilmi?
1999-2002-ci illər arasında Şotlandiyanın Aberdin komandasının 0 nömrəli formasını geyinən Hicham Zerouali, “Zero” ləqəbindən ilhamlansa da, sonradan Şotlandiya rəsmiləri 0 rəqəminin istifadəsini qadağan edib.
Yapon futbolunda isə bəzi oyunçular 0 nömrəli forma geyinirdilər. Bundan əlavə, sərgi matçları kimi xüsusi vəziyyətlərdə 0 nömrəli formanı görmək mümkündür. Amma təbii ki, bu kimi hallar ümumi praktika deyil.
