Bakı, 24 iyun, AZƏRTAC
“Sumqayıt”ın UEFA Konfrans Liqasının II təsnifat mərhələsində Macarıstanın “Fehervar” komandası ilə keçirəcəyi cavab qarşılaşmasının vaxtı dəyişdirilib.
Klubdan AZƏRTAC-a verilən məlumata görə, UEFA-nın qərarına əsasən, oyun daha əvvəl nəzərdə tutulduğu kimi avqustun 1-də deyil, iyulun 31-də keçiriləcək.
Qeyd edək ki, “Sumqayıt” cütün ilk matçında “Fehervar”ı iyulun 25-də doğma meydanda qəbul edəcək.
