"Çelsi"nin keçmiş futbolçusu, hazırda isə "Nottingem Forest"in vingeri Kallum Hudson-Odoi İngiltərə millisinin yarımmüdafiəçisi Fil Fodenin Avro-2024-dəki çıxışını şərh edib.
90deqiqe.Az xəbər verir ki, "“Sky Sports" 23 yaşlı futbolçunun dediklərini belə çatdırıb:
“Filin ən yaxşı futbolçu olduğunu bilirəm. O, Premyer Liqada mövsümün oyunçusu mükafatını qazanıb. Aydındır ki, Foden yalnız Avro-2024-ün növbəti mərhələlərində daha yaxşı çıxış edəcək. Tənqid? Düşünürəm ki, o, bundan motivasiya kimi istifadə edir”
Avropa çempionatının qrup mərhələsinin iki turunda Foden səssiz yadda qalıb. İngiltərə komandasının özü isə ümumilikdə turnirdə cəmi iki qol vurub.
