Bu gün, 24 iyun tarixində İlahiyyat İnstitutunda məzun günü keçirilir. SİA xəbər verir ki, tədbirdə Komitə sədri Ramin Məmmədov, Ceyhun Məmmədov, Arzu Nağıyev, Fazil Mustafa, Alim Qasımov, Hacı Fuad Nurullayev, dini icmaların rəhbərləri, tələbələr iştirak edirlər.
Tədbir Azərbaycan Respublikasının Dövlət himninin səsləndirilməsi və Ümummilli lider Heydər Əliyevin və torpaqlarımızın azadlığı uğrunda canlarından keçmiş şəhidlərimizin ruhunun bir dəqiqəlik sükutla yad edilməsi ilə başladı.
Daha sonra İlahiyyat İnstitutunun tələbəsi Qurani-Kərim oxudu, bir qrup tələbə Nizami Gəncəvinin əsərindən bir hissə səsləndirdi.
