Ukraynanın Odessa şəhərində partlayış baş verib.
Tezadlar.az bildirir ki, bu barədə şəhərin meri Gennadi Truxanov Telegram kanalında məlumat verib.
Onun sözlərinə görə, fövqəladə hadisədən əvvəl Berezovka şəhəri yaxınlığında raket aşkar edilib, lakin bir müddət sonra o, istiqamətini dəyişib.
Rusiya Müdafiə Nazirliyi bu məlumatı şərh etməyib.
“Şəhərdə partlayış səsi eşidilir!” - Truxanov yazıb.
Yayımlanan kadrlarda nəhəng qara tüstü sütununun səmaya qalxdığını görüntülənir. Dağıntı və tələfat barədə hələlik məlumat yoxdur.
Nikolaev metrosunun koordinatoru Sergey Lebedev bildirib ki, partlayış Odessadakı ağır kran istehsalı zavodunun ərazisində həyata keçirilib. Onun sözlərinə görə, orada Qərbin verdiyi raketlərin olduğu anbar var. Rusiya Müdafiə Nazirliyi də bu məlumatları şərh etməyib.
Ukrayna mətbuatı iyunun 24-nə keçən gecə Xarkovda silsilə partlayışların baş verdiyini yazıb. Hadisənin təfərrüatları barədə məlumat verilmir. Yerli hakimiyyət orqanları bu məlumatı şərh etməyiblər. Əhalinin xəbərdar edilməsi üzrə rəsmi resursun məlumatına görə, hazırda Ukraynanın Xarkov vilayətində hava hücumu xəbərdarlığı elan edilib.
İyunun 23-də səhər saatlarında Ukraynanın Krivoy Roq şəhərini yerli koks zavodunun ərazisindən tüstü bürüyüb. İnternetdə yayımlanan görüntülərdə şəhərin sıx dumanla örtüldüyü görünür. “Arcelormittal Krivoy Rog” şirkəti zavodda yaranmış fövqəladə vəziyyətin elektrik enerjisinin kəsilməsi ilə bağlı olduğunu aydınlaşdırıb. Şirkətin işçiləri "istehsal avadanlıqlarını qorumaq üçün böhran texnoloji tədbirlərə" müraciət etməli olublar.
E.ŞİRİNOV
