Tərtərdə bədii gimnastika üzrə Azərbaycan çempionatı keçiriləcək.
İdman.biz xəbər verir ki, yarış iyunun 28-29-da baş tutacaq.
Milli Gimnastika Federasiyasının keçirdiyi bu yarış aerobika üzrə Azərbaycan çempionatından sonraya təsadüf edəcək. Tərtər Olimpiya İdman Kompleksində gənc yaş qruplarının təmsilçiləri çıxış edəcəklər.
Artıq çempionatın posteri də hazırlanıb. Burada Budapeştdə keçirilən Avropa çempionatında komanda yarışında bürünc medal qazanmış Gövhər İbrahimova, Şəms Ağahüseynova, İlahə Bahadırova və Fidan Qurbanlı təsvir edilib.
İdman.biz
