Amerikalı senatorlar Lindsi Qrem (Rusiya Federasiyasında terrorçu və ekstremist siyahısına salınıb) və Riçard Blumental Moskvanın mümkün cavab tədbirləri ilə bağlı əvvəlcədən xəbərdarlıqlarına baxmayaraq, yenidən Rusiyanın terrorizmin sponsoru kimi tanınmasına çağırıblar.
NOCOMMENT.az xəbər verir ki, bu barədə RİA Novosti məlumat yayıb.
Blumental mətbuat konfransında deyib ki, Rusiya vəhşilik edən ölkələr qrupunun bir hissəsi kimi tanınmalıdır.
Lindsi Qrem əlavə edib ki, Rusiyanın bu cür tanınması Ukraynaya “mənəvi təkan” verəcək və Senatı müvafiq qanun layihəsini nəzərdən keçirməyə çağırıb.
Moskva onu terrorizmin himayədarı kimi tanımaq təşəbbüsünün həyata keçiriləcəyi təqdirdə mümkün cavab tədbirləri barədə xəbərdarlıq edib. Rusiya Xarici İşlər Nazirliyinin rəsmi nümayəndəsi Mariya Zaxarova bəyan edib ki, bu cür addımlar ölkələr arasında münasibətlərə xələl gətirə bilər.
