Yaponiyada bir kişi 63 yarpaqlı yonca yetişdirərək Ginnesin Rekordlar Kitabına düşüb.
BAKU.WS xarici mətbuata istinadən xəbər verir ki, indi o, özü ilə "bəxt kralı" olduğu zarafatını edir, çünki bu bitki şansla əlaqələndirilir.
45 yaşı olan Yoşiharu Vatanabe adlı kişi 2012-ci ildə öz bağında yonca yetişdirməyə başlayıb. Yaponlar etiraf edir ki, o, bu işə bitkidəki ləçəklərin sayına görə dünya rekordunu qırmaq məqsədi ilə başlayıb. 12 ildən sonra nəhayət ki, bunu bacarıb.
"İnsanlar dördyarpaqlı yoncanın uğurlar gətirdiyini söyləyirlər, ona görə də bu 63 yarpaqlı yonca insanlara sürpriz və sevinc gətirsə, əla olardı", - o bildirib.
BAKU.WS
