Almatıda assosiasiyaya üzv dövlətlərin Xarici İşlər Nazirləri Şurasının (XİNŞ) iclasında Ermənistanın Kollektiv Təhlükəsizlik Müqaviləsi Təşkilatından (KTMT) çıxması proseduru müzakirə olunmayıb və respublikadan heç bir rəsmi addım atılmayıb.Bu barədə Rusiyanın xarici işlər naziri Sergey Lavrov iyunun 21-də sammitdən sonra keçirilən brifinqdə “İzvestiya”nın sualını cavablandırarkən bildirib.“Təxmin etmək diplomatiya ənənələrinə uyğun gəlmir. Bəli, bu gün erməni nazir görüşdə olmayıb, amma Ermənistandan heç bir sənəd, nəticələrinin müzakirəsini zəruri edəcək hər hansı rəsmi addım yox idi”, - deyə nazir bildirib.Lavrov qeyd edib ki, İrəvanın assosiasiyadan çıxması proseduru müzakirə edilməyib və müvafiq sorğu daxil olmayıb.
