Əgər on il əvvəl Maydan hadisələri fonunda müxalifətlə ölkənin eks-prezidenti Viktor Yanukoviç arasında razılaşma pozulmasaydı, Ukrayna 1991-ci ilin sərhədləri daxilində qala bilərdi.
Ucnoqta.az RİA Novosti-yə istinadən xəbər verir ki, bunu Rusiyanın xarici işlər naziri Sergey Lavrov deyib.
“Əgər 2014-cü ilin fevralında Rusiyanın, o cümlədən digərlərinin razılaşdığı nizamlanma sazişi pozulmasaydı, Ukrayna indi 1991-ci ilin sərhədləri daxilində olardı”, - nazir vurğulayıb.
Lavrov qeyd edib ki, dövlət çevrilişi nəticəsində gələn Ukrayna hakimiyyəti dövlətin ərazi bütövlüyünü özləri məhv edib.
