Olaylar.az xəbər verir ki, o, bildirib ki, ölkə Avropa Komissiyasının bütün tövsiyələrini yerinə yetirib.
"Namizəd statusunu aldıqdan iki il sonra, iyunun 25-də Moldova-Aİ hökumətlərarası birinci konfrans keçiriləcək və bu, üzvlük danışıqlarının başlanğıcını qeyd edəcək", - Moldova lideri sosial şəbəkədəki səhifəsində qeyd edib.
Baş nazirin Avropaya inteqrasiya məsələləri üzrə müavini Kristina Gerasimova Kişinyovdan baş danışıqlarçı təyin edilib.
Bundan əvvəl Moldovanın eks-prezidenti İqor Dodon Sandu ölkəni sabitliyin pozulmasına və müharibəyə hazırlamaqda ittiham edib. Siyasətçi ölkənin Müdafiə Nazirliyinin büdcəsini 4 dəfə artırdığına, silah-sursat alındığına, NATO hərbçiləri ilə davamlı olaraq təlimlərin keçirildiyinə diqqət çəkib.
Moldovanın keçmiş baş nazirinin müavini Yuri Roska bildirib ki, Qərb ölkələri, o cümlədən ABŞ və Böyük Britaniya Kişinyovu Moskva ilə münaqişəyə doğru səylə sövq edir. Onun sözlərinə görə, Vaşinqton və London daim Ukrayna qoşunlarının məğlubiyyətini görür, ona görə də Rusiya sərhədi yaxınlığında daha bir qaynar nöqtə əlavə etmək istəyirlər.
